|
|
|
|
Messidən avtoqraf istəyən hakim cəzalandırıldı
Şimali, Mərkəzi Amerika və Karib hövzəsi Futbol Konfederasiyaları (CONCACAF) "İnter Mayami"nin futbolçusu Lionel Messidən avtoqraf istəyən hakim Marko Antonio Ortis Navanı cəzalandırıb.
QOL.az xəbər verir ki, bu barədə CONCACAF-ın mətbuat xidməti məlumat yayıb.
Ortis Nava "İnter Mayami"nin Çempionlar kubokunda ABŞ-ın digər təmsilçisi "Sportinq Kanzas Siti" ilə matçı bitəndən sonra Messiyə yaxınlaşıb və ondan avtoqraf istəyib.
Buna görə o, intizam cəzası ilə üzləşib. Cəzanın konkret nədən ibarət olduğu açıqlanmayıb.
CONCACAF-ın bununla bağlı yaydığı açıqlamada bildirilib: "Hakimin hərəkəti ədalət təmsilçilərinin davranış kodeksinə uyğun gəlmir. O, səhvini etiraf edib, üzr istəyib və tətbiq olunan intizam tədbirlərini qəbul edib".
Meksikalı referi isə verdiyi açıqlamada avtoqrafı xüsusi ehtiyacı olan bir ailə üçün istədiyini bildirib.
