UEFA Rəşad Sadıqovu seçdi
"Avro-2016"nın seçmə mərhələsinin bütün oyunlarında 90 dəqiqə meydanda olan futbolçuların siyahısı müəyyənləşib.
Qol.Az-ın UEFA-nın rəsmi saytına istinadən verdiyi məlumata görə, siyahıda 21 futbolçu yer alıb.
Onların sırasında Azərbaycan millisinin kapitanı Rəşad Sadıqovun da adı var. İtaliya ilə Bakıdakı görüşdə millimizin heyətində 100-cü matçına çıxan R.Sadıqov seçmə mərhələnin bütün oyunlarında əvəzolunmadan iştirak edib.
900 dəqiqə meydanda olan futbolçuların siyahısında Azərbaycanla yanaşı, Avstriya, Rumıniya, Uels, Lüksemburq və Cəbəllütariq hərəyə 2, Almaniya, Ukrayna, Polşa, İrlandiya, Belçika, Estoniya, Sloveniya, İslandiya, Kipr və Malta isə 1 oyunçu ilə təmsil olunub.
1. Qrzeqorz Kruçovyak - Polşa
2. Lars Gerson - Lüksemburq
3. Karol Mets - Estoniya
4. Kristian Fuks - Avstriya
5. Draqoş Qriqore - Rumıniya
6. Loren Jens - Lüksemburq
7. Con O'şi - İrlandiya
8. Yozef Çipolina - Cəbəllütariq
9. Jerom Boatenq - Almaniya
10. Florian Kleyn - Avstriya
11. Vyaçeslav Şevçuk - Ukrayna
12. Vlad Çiriçeş - Rumıniya
13. Liam Ualker - Cəbəllütariq
14. Bostyan Sezar - Sloveniya
15. Raqnar Siqurdsson - İslandiya
16. Marios Antoniades - Kipr
17. Yan Vertongen - Belçika
18. Kris Gunter - Uels
19. Rəşad Sadıqov - Azərbaycan
20. Eşli Uilyams - Uels
21. Andrey Agius - Malta
