"Barselona" İspaniyada da darmadağın oldu
Bu gün Çempionlar Liqasının ikinci finalçısı məlum olub.
Qol.Az-ın məlumatına görə, ötən gün "Borussiya"nın finala çıxmasından sonra digər finalçının da adına aydınlıq gəlib. "Barselona"nın qonağı olan “Bavariya” ilk oyunda olduğu kimi yenə rəqibinə aman verməyib. Birinci qarşılaşmada rəqib qapısına dörd cavabsız qol vuran Almaniya təmsilçisi bu oyunda da üstün tərəf olub və 3:0 hesabı ilə qalib gəlib. Beləliklə "Bavariya" hər iki oyunun nəticəsinə görə "Barselona"nın qapısına yeddi cavabsız qol vuraraq adını finala yazdırıb.
Bununla da mayın 25-də "Uembli"də baş tutacaq final görüşündə iki alman komandası, "Borussiya" və "Bavariya" üz-üzə gələcək.
Çempionlar Liqası, yarımfinal, cavab oyunları
1 may
23:45. “Barselona” (İspaniya) – “Bavariya” (Almaniya) - 0:3
Qollar: Robben, 49 (0:1), Pike, 72-avtoqol, (0:2), Müller, 78 (0:3)
İlk oyun (0:4)
30 aprel
23:45. “Real” (İspaniya) – “Borussiya” (Dortmund, Almaniya) - 2:0
Qollar: Benzema, 83 (1:0), Ramos, 88 (2:0)
İlk oyun (1:4)
