Çempionlar Liqasının ən yaşlı 11 futbolçusu

Bu mövsüm Çempionlar Liqasının qrup mərhələsində oynamış ən yaşlı futbolçuların adları müəyyənləşib.

Qol.Az-ın məlumatına görə, 11 futbolçunun yer aldığı siyahıya "Çelsi"nin qapıçısı Mark Şvarçer başçılıq edir.

41 yaşlı avstraliyalı qolkiper bu mövsüm Çempionlar Liqasının ən yaşlı futbolçusu kimi tarixə düşüb. "Mançester Yunayted"in oyunçusu Rayan Qiqqz isə siyahıda ikinci olub.

Uelsli futbolçunun 40 yaşı olmasına baxmayaraq karyerasını davam etdirir. Təcrübəli futbolçunun növbəti mövsüm də oynayacağı istisna olunmur.

1. Mark Şvarçer ("Çelsi") - 41 yaş, 2 ay, 5 gün 
2. Rayan Qiqqz ("Mançester Yunayted") - 40 yaş, 11 gün 
3. Pavel Xorvat ("Viktoriya") - 38 yaş, 7 ay, 18 gün  
4. Xose Pinto ("Barselona") - 38 yaş, 1 ay, 3 gün 
5. Kristian Abbiati ("Milan") - 36 yaş, 5 ay, 3 gün 
6. Olof Melberq ("Kopenhagen") - 36 yaş, 3 ay, 7 gün 
7. Konstantin Zryanov ("Zenit") - 36 yaş, 2 ay, 6 gün 
8. Canluici Buffon ("Yuventus") - 35 yaş, 10 ay, 14 gün 
9. Didye Droqba ("Qalatasaray" - 35 yaş, 9 ay 
10. Daniel van Buyten ("Bavariya") - 35 yaş, 8 ay, 26 gün 
11. Karles Puyol ("Barselona") - 35 yaş, 7 ay, 13 gün