Fərhad Acalov haqqında çəkilən filmin təqdimatı olub - Foto
Bu gün gənclər arasında boks üzrə müstəqil Azərbaycanın ilk dünya çempionu Fərhad Acalov haqqında çəkilən sənədli filmin təqdimatı olub.
525.az oxu.az-a istinadən xəbər verir ki, film Fərhad Acalovun uşaqlıqdan idmana necə başlaması, əldə etdiyi uğurlar, qazandığı mükafatlar, bu yolda qarşısına çıxan əngəllərdən bəhs edir. Filmdə bu əngəllərə baxmayaraq, Fərhad Acalovun bu günə qədər idman sahəsində yeni işlər gördüyü, hər bir gəncə və idmançıya dəstək olması nümayiş olundu.
Təqdimat mərasimində Bakı şəhər Gənclər və İdman idarəsinin rəisi Raqif Abbasov, Baş idarənin Rayon Gənclər və İdman idarələri ilə iş və kadrlar sektorunun müdiri Gündüz Vəliyev, Azərbaycan Peşəkar Boks Federasiyasının Baş Katibi Orxan Muxtarov, Azərbaycan Respublikasının əməkdar məşqçisi Rəhim Allahverdiyev və bir sıra media nümayəndələri iştirak edib.
Fərhad Acalov filmin təqdimatından sonra bu sözləri bildirib: "Filmin ərsəyə gəlməsində zəhməti keçən "Motivator Azerbaijan" layihəsinə və onun təsisçisi Rüfət Həsənova öz dərin təşəkkürümü bildirirəm.
Film çox böyük maraqla izlənib və sonda xatirə şəkillərinin çəkilməsi ilə tədbir yekunlaşıb.
