"Bu oyunda qalib gəlmək istəyirdik. Futbolçular əziyyət çəkdilər. Buna görə onlara təşəkkür edirəm".
QOL.az xəbər verir ki, bu sözləri "Kəpəz"in baş məşqçisi Adil Şükürov Misli Premyer Liqasının 31-ci turunda bu gün "Sabah"la keçirilən oyundan sonra mətbuat konfransında deyib.
O, 1:2 hesablı məğlubiyyəti belə şərh edib: "Qalib gəlib elitada qalmağımızı rəsmiləşdirmək istəyirdik. Bu dəfə alınmadı. Gələn oyunlara köklənməliyik. Ümid edirəm ki, qarşıdakı oyunlarda məsələni həll edə biləcəyik. Azarkeşlərimizə də dəstək üçün minnətdaram".