Kopenhagendə şəhərə gələn turistlər mükafatlandırılacaqlar
Avropa Birliyindəki bir çox ölkə artan turist sayına qarşı tədbir görməyə başlasa da, Danimarkanın paytaxtı Kopenhagen pulsuz içkilər və xizək sürmək kimi imtiyazlarla ölkəyə səyahətçiləri cəlb etməyi planlaşdırıb.
525.az xarici KİV-ə istinadən xəbər verir ki, İspaniyanın Barselona şəhərində həddindən artıq turizmin yaratdığı izdihamdan bezən insanlar turistlərə su tapançasından su çiləyiblər.
Bir çox şəhərlər bir günlük səyahət edənlərdən giriş haqqı almağa başlayıb.
Bunun müqabilində Kopenhagendəki turistlər məsuliyyətli davrandıqları müddətcə gəlmələri üçün maddi və digər stimullar veriləcək.
Danimarkanın paytaxtı həddən artıq çox turistin axışdığı digər səyahət yerlərindən fərqli olaraq, yalnız tərbiyəli, sosial və ekoloji cəhətdən şüurlu səyahətçiləri cəlb etməyə çalışır.
Milli Turizm Şurası iqlimə uyğun, davamlı davranışı təşviq etmək üçün proqrama başlayıb.
Bazar ertəsindən velosiped sürməyi, ictimai nəqliyyatdan istifadə etməyi və ya limanda, şəhər parklarında bağçılıq və ya zibil toplamaq kimi yüngül işlərlə məşğul olanları mükafatlandıracaq.
Yenidən istifadə oluna bilən qəhvə fincanı ilə gələnlər seçilmiş məkanlarda pulsuz kofe ala bilərlər, damdakı kafelərdə pulsuz içkilər və ya şəhərin süni xizək enişi kompleksində sərf olunan əlavə vaxt kimi yaxşı davranış müqabilində digər üstünlüklər təklif olunacaq.
Rəsmi Kopenhagen turizm şurası olan Wonderful Copenhagen-dən Mikkel Aaro-Hansen, bu ideyanın turistlər və yerli sakinlər arasında daha qarşılıqlı faydalı və daha az narahatlıq yaradan əlaqələr yaratmaq üçün işlək yol tapmaq istəyən digər şəhərləri ruhlandıracağına ümid etdiyini bildirib.
Malik Atilay
