Səudiyyə Ərəbistanından böyük həmlə
Məşhur mütəxəssis Zinəddin Zidan Səudiyyə Ərəbistanı millisinə baş məşqçilik edə bilər.
QOL.az xəbər verir ki, bu barədə "Corriere della Sera" məlumat yayıb.
Səudiyyə Ərəbistanı yığmasının hazırkı baş məşqçisi Roberto Mançinidir. DÇ-2026-nın seçmə mərhələsi çərçivəsində komandanın Yaponiyaya 0:2 hesablı məğlubiyyətindən sonra Bəhreynlə 0:0 hesablı heç-heçə etməsi vəziyyəti daha da çətinləşdirib. Buna görə də yerli futbol federasiyası italiyalı mütəxəssislə müqaviləni ləğv etmək üçün danışıqlar aparır. Tərəflərin sözləşməsi 2027-ci ilin yayına qədərdir.
Səudiyyə Ərəbistanı rəhbərliyi baş məşqçi vəzifəsinə Zinəddin Zidanı gətirmək istəyir. Federasiya Zidana görə hərəkətə keçmək üzrədir.
2021-ci ildə "Real"dan ayrıldıqdan sonra klubsuz olan mütəxəssis indiyədək heç bir təklifi qəbul etməyib. Onun Səudiyyə Ərəbistanından alacağı maddi baxımdan böyük təklifə hansı cavabı verəcəyi isə maraq yaradır.
