Millimiz Monteneqroda yoldaşlıq görüşü keçirdi
Monteneqronun paytaxtı Podqoritsada təlim-məşq toplanışında olan 18 yaşadək futbolçulardan ibarət Azərbaycan milli komandası yoldaşlıq görüşü keçirib.
525.az AFFA-nın saytına istinadən xəbər verir ki, U-18 Monteneqronun müvafiq yaş qrupundan ibarət komandası ilə qarşılaşıb. Oyun meydan sahiblərinin 2:0 hesablı qələbəsi ilə yekunlaşıb.
Millimizin heyətində bu futbolçular çıxış ediblər: 1. Həbib Hüşənov, 6. Nadir Orucov, 23. Rəşad Alışov, 3. Cavid Məlikov (21. Murad Mustafayev, 46), 5. Əli Nəbizadə (2. Ömər Əliaslanlı, 46), 7. Əkbər Məhərrəmov, 10. Babamirzə Mehdiyev (19. Əli Qurbanov, 75), 8. Emin Feyzullayev (15. Elnur Cabbarlı, 75), 18. Arzu Mədətov (9. Ömər Kərimov, 85), 17. Ziya Şəkərxanov (16. Əmir Əliyev, 62), 11. Röyal Fərzullazadə (20. Rauf Qafarov, 62).
Qeyd edək ki, komandalar arasında ikinci yoldaşlıq görüşü oktyabrın 31-də keçiriləcək.
