İntizam Komitəsindən Premyer Liqa klublarına cəza və cərimələr
Bu gün AFFA İntizam Komitəsinin iclası keçirilib.
QOL.az xəbər verir ki, iclasda Misli Premyer Liqasının 11-ci turundakı qayda pozuntuları ilə bağlı qərarlar qəbul edilib.
“Turan Tovuz” – “Kəpəz” oyununda “Turan Tovuz”un 5 futbolçusu sarı vərəqə aldığına görə klub 700 manat cərimə edilib.
Eyni oyunda “Kəpəz”in 5 nəfər sarı vərəqə aldığına görə klub 700 manat cərimələnib.
Həmin matç bitdikdən sonra “Kəpəz”in 29 nömrəli futbolçusu Dioqo Verdaska hakimin qərarına etiraz etdiyinə görə ikinci sarıdan qırmızı vərəqə aldığı üçün 1 oyun cəzalanıb, “Kəpəz” 500 manat cərimə edilib.
“Səbail” – “Sumqayıt” oyununda “Səbail”in 4 futbolçusu sarı vərəqə aldığına görə klub 700 manat cərimələnib.
Eyni oyunda “Sumqayıt”ın 4 nəfər sarı vərəqə aldığına görə klub 700 manat cərimələnib.
