"Klubdan yeni təklif almamışam, çox məyusam"
"Liverpul"un futbolçusu Məhəmməd Salah klubundan qüvvədə olan müqaviləsinin müddətinin uzadılması ilə bağlı yeni təklif almadığını etiraf edib.
QOL.az İngiltərə mətbuatına istinadən xəbər verir ki, bu mövsümün sonu müqaviləsi başa çatacaq Misir millisinin futbolçusu deyib:
"Dekabr ayına az qalıb, amma mən hələ də klubda qalmaq üçün təklif almamışam. Gələn yay getmək ehtimalı qalmaqdan daha çoxdur. Buna təəssüf edirəm. Bilirsiniz ki, mən uzun illərdir klubdayam. Amma vəziyyət mənim əlimdə deyil. Mən azarkeşləri sevirəm, onlar da məni sevirlər. Amma hər şey klubdan asılıdır. Gözləyək, görək nə olur. Əlbəttə ki, çox məyusam. Karyeramı bitirməyə hazırlaşmıram. Ona görə də mən sadəcə oynayıram, mövsümə köklənmişəm və Premyer Liqanı, ümid edirəm ki, həm də Çempionlar Liqasını qazanacağam".
Qeyd edək ki, 32 yaşlı Salah 2017-ci ildən "Liverpul"da oynayır.
