Valverde sükutu pozdu
"Real"ın futbolçusu Federiko Valverde La Liqanın son oyunlarında olan hakimlərin mübahisəli qərarları ilə bağlı fikirlərini bölüşüb.
QOL.az insayder Fabrizio Romanoya istinadən xəbər verir ki, o deyib:
"Mən azarkeşlər üçün aydınlıq gətirmək istəyirəm. Bu gün keçirilən mətbuat konfransında ona görə hakimliklə bağlı danışmadım ki, özümü tanıyıram və sabaha köklənmişəm. Bütün dünya gördü ki, "Real"la La Liqada nələr baş verdi... Mən bunu yaddan çıxarmamışam və klubu qorumaq üçün əlimdən gələni edəcəyəm. Necə ki həmişə edirəm. "Real"ın kapitanı olmaq böyük şərəfdir, böyük qürurdur. Bütün kapitanlardan hər gün nəsə öyrənməyə və bu klubda daha çox hörmət qazanmağa çalışıram".
Qeyd edək ki, "Real" sabah öz meydanlarında Çempionlar Liqasında "Mançester Siti" ilə qarşılaşacaq. Matç Bakı vaxtı ilə saat 00:00-da başlayacaq.
