Yağışa görə bu oyunlar da təxirə salındı
AFFA-nın bayrağı altında təşkil edilən aşağı yaş liqalarında həftəsonu keçirilməsi planlaşdırılan oyunlar təxirə salınıb.
525.az xəbər verir ki, bu haqda qurumun rəsmi saytı məlumat yayıb.
Məlumatda bildirilib ki, matçların vaxtı qeyri-sabit və yağıntılı hava şəraiti ilə əlaqədar dəyişdirilib:
"AFFA-nın bayrağı altında təşkil edilən U-8, U-9, U-10, U-11, U-12, U-13 və U-14 Liqalarının Bakı, Sumqayıt, Siyəzən və Zaqatala zonalarında həftəsonu keçirilməsi planlaşdırılan oyunları qeyri-sabit və yağıntılı hava şəraiti ilə əlaqədar təxirə salınıb".
Xatırladaq ki, daha öncə AFFA-nın bayrağı altında təşkil edilən U-12 Qızlar Liqası, U-14 Qızlar Liqası, U-16 Qızlar Liqası və Yüksək Qızlar Liqasının 28-30 mart tarixlərində keçirilməsi planlaşdırılan oyunları da qeyri-sabit hava şəraiti ilə əlaqədar təxirə salınıb.
