"Qəbələ"nin kapitanının cəzası açıqlandı
Bu gün AFFA İntizam Komitəsinin növbəti iclası keçirilib.
525.az xəbər verir ki, iclasda Misli Premyer Liqasının 31-ci turundaı və Azərbaycan kubokunun finalındakı qayda pozuntuları ilə bağlı qərarlar qəbul edilib.
Misli Premyer Liqası, 31-ci tur
“Qəbələ” – “Qarabağ” oyununun 86-cı dəqiqəsində “Qəbələ”nin 11 nömrəli futbolçusu Asif Məmmədov hakimi təhqir etdiyinə görə birbaşa qırmızı vərəqə aldığı üçün 4 oyun oyunluq cəzalandırılıb. Onun klubu 10000 manat cərimə edilib.
Həmin matç bitdikdən sonra meydançaya kənar şəxslər daxil olduğuna görə “Qəbələ” 2500 manat cərimələnib.
Eyni görüş bitdikdən sonra meydançaya kənar əşya atıldığına görə “Qəbələ” 2000 manat cərimə edilib.
“Neftçi” – “Şamaxı” oyununda “Şamaxı”nın 4 futbolçusu sarı vərəqə aldığı üçün bölgə klubu 700 manat cərimələnib.
Azərbaycan Kuboku, final
Azərbaycan Kubokunda final qarşılaşması olan “Sabah” – “Zirə” oyununda “Zirə”dən 5 nəfər sarı vərəqə aldığı üçün paytaxt təmsilçisi 700 manat cərimələnib.
