Millimizin Malta və San Marino ilə oyunlarının hakimləri müəyyənləşdi
Azərbaycan milli komandasının iyunun 5-də Malta yığmasına qarşı keçirəcəyi yoldaşlıq oyununun hakim təyinatları açıqlanıb.
525.az xəbər verir ki, qarşılaşmanı Macarıstandan olan hakimlər briqadası idarə edəcək.
Matçın baş hakimi Mixali Kaprali olacaq. Ona yan xətdə Balaş Buzaş və Bençe Belitsa kömək edəcəklər. Qarşılaşmanın dördüncü hakimi funksiyasını isə Tamaş Boqnar yerinə yetirəcək.
İyunun 5-də Macarıstanın Sombatxey şəhərində yerləşən “Haladaş” stadionunda keçiriləcək görüş Bakı vaxtı ilə saat 22:00-da start götürəcək.
İyunun 9-da keçiriləcək Azərbaycan - San Marino görüşünü də macar hakimlər idarə edəcək. Baş hakim Marton Ruş olacaq. Ona yan xətdə Balaş Şert və Balaş Şalai kömək edəcəklər. Qarşılaşmanın dördüncü hakimi funksiyasını isə Bençe Çsonka yerinə yetirəcək.
Qeyd edək ki, San Marino ilə görüş də Bakı vaxtı ilə 22:00-da start götürəcək.
