"Cüneyt Çakırın ağılsız qərarı matçı öldürdü"
Çempionlar Liqasında İspaniyanın “Real” klubu səfərdə “Mançester Yunayted”ə 2:1 hesabı ilə qalib gəldiyi matça hakim damğasını vurub. ANS PRESS-in məlumatına görə, buna səbəb qarşılaşmanın 57-ci dəqiqəsində türk hakim Cüneyt Çakırın “Mançester Yunayted”in futbolçusu Naniyə Arbeloaya təpik vurduğuna görə birbaşa qırmızı vərəqə göstərməsi olub.
Bu vərəqə nəinki ingilisləri, komandanın azarkeşlərini çox hiddətləndirib. Başda ingilis mediası olmaqla dünya mətbuatı Cüneyt Çakırın bu addımına çox sərt şəkildə reaksiya verib.
Qəzetlər onun qərarı haqqında belə yazıblar:
"Guardian": "M.Y." hər şey etdi. amma Cüneyt Çakırın ağılsız qərarı matçı öldürdü.
"Daily Telegraph": Bu pis hakim tərəfindən idarə edilən yaxşı oyun idi.
"Daily Mail": İstanbullu hakim "Mançestr Yunayted"i 1/4 finaldan məhrum etdi
