Fərid: “Həm Azərbaycanı, həm də Türkiyəni təmsil edəcəm” (Video)
“Eurovision” təmsilçimiz Fərid Məmmədov builki müsabiqəyə qatılmayan Türkiyə ilə bağlı danışıb.
Axşam.az-ın məlumatına görə, o, Azərbaycanla yanaşı yarışmada iştirak etməyən qardaş ölkəni də təmsil edəcəyini deyib.
Fərid sosial şəbəkədə “Türkiyə müsabiqəyə qatılmasa da, onlar bu il yarışmada var. Mən həm Azərbaycanı, həm də Türkiyəni təmsil edəcəm. Bütün türklərdən dəstək gözləyirəm” sözlərini yazıb.
Fərid həmçinin mayın 16-da ikinci yarımfinalda çıxacağı səhnə üçün hazırlıqları davam etdirir. Artıq onun “Eurovision 2013” səhnəsindəki şousu bəllidir. Müsabiqə təmsilçimizin həmin videosunu təqdim edirik.
Qeyd edək ki, Fərid Məmmədovun “Eurovision” səhnəsindəki məşqi zamanı çəkilən video “Youtube” kanalında iki gün ərzində 140 min baxış sayını keçib.
