|
|
|
|
"Neftçi" klubunun baş məşqçisi Böyükağa Hacıyev Çempionlar Liqasının II təsnifat mərhələsinin cavab oyunu öncəsi mətbuat konfransı keçirib.
Qol.Az-ın "1news.az"a istinadən verdiyi məlumata görə, B.Hacıyev "Skenderbeu" ilə görüşdə yalnız hücum futbolu oynayacaqlarını bildirib:
"İlk görüşdə qol vurmaq üçün yaxşı vəziyyətlər yaratsaq da, bunlardan istifadə edə bilmədik və 0:0 oynadıq. Cavab matçında lazımi nəticəni qazanmaq üçün hər şeyi edəcəyik. Hər zamankı kimi yenə də hücum futbolu oynayacağıq. Əgər "Neftçi" növbəti mərhələyə yüksələ bilməsə, istefa verəcəyəm".
Qeyd edək ki, "Skenderbeu" - "Neftçi" oyunu bu axşam, Bakı vaxtı ilə saat 23:00-da başlayacaq.