Qurban Qurbanov: "Üçüncü dəfə Avstriya klubuna qarşı"
Bu gün Çempionlar Liqasında “Zalsburq”la oyun “Qarabağ”ın baş məşqçisi Qurban Qurbanovun Avstriya klublarına qarşı baş məşqçi qismində keçirəcəyi rəsmi üçüncü qarşılaşma olacaq.
Qol.Az-ın xəbərinə görə, Q.Qurbanovun məşqçi kimi Avropa kuboklarında debüt matçı məhz Avstriya təsmilçisi ilə oyuna təsadüf edir. 2007/08-ci il mövsümündə “Neftçi”nin baş məşqçisi olan Q.Qurbanov UEFA kubokunun birinci təsnifat mərhələsində Avstriyanın “Rid” komandası ilə qarşılaşıb. Səfərdəki ilk görüşdə “Neftçi” 1:3 hesabı ilə uduzub, Bakıdakı təkrar qarşılaşmada isə Azərbaycan təmsilçisi hesabda 2:0 öndə olsa da, sonra bir qol buraxıb.
Beləliklə, “Neftçi” yekunda 2:1 hesabı ilə qalib gəlib, amma səfərdə vurulan qol sayəsində növbəti mərhələyə “Rid” vəsiqə qazanıb.
Qeyd edək ki, təkrar matçda “Neftçi”nin qollarını Branimir Subaşiç və hazırda “Qarabağ”ın kapitanı olan Rəşad Sadıqov vurub. Yeri gəlmişkən, R.Sadıqov azərbaycansayağı günc zərbəsindən sonra topu rəqib qapısına göndərib.
