|
|
|
|
Qazaxıstanda dörd terror aktının qarşısı alınıb
Qazaxıstanın xüsusi xidmət orqanları dörd terror aktının qarşısını alıb.
525.az xəbər verir ki, bu barədə Qazaxıstan Milli Təhlükəsizlik Komitəsinin rəhbəri Ermek Saqimbayev bildirib.
Bu gün Qazaxıstan prezidenti Kasım-Jomart Tokayev Milli Təhlükəsizlik Komitəsinin rəhbəri Ermek Saqimbayevlə görüşüb. Görüş zamanı Milli Təhlükəsizlik Komitəsinin rəhbəri dövlət başçısına il ərzində qarşısı alınmış terror aktları barədə məlumat verib. O qeyd edib ki, 84 nəfər terrorçuluq və ekstremizmdə iştiraka görə məhkum edilib.
Saqimbayevin sözlərinə görə, terrorçuluqda ittiham olunaraq axtarışda olan 6 Qazaxıstan vətəndaşı Suriya və Türkiyədən ekstradisiya edilib. Həmçinin Qazaxıstan hakimiyyəti terrorizm və ekstremizmlə məşğul olan 824 əcnəbinin ölkəyə giriş cəhdinin qarşısını alıb.
İbrahim Cəfərov
