Braziliya və Uruqvaya qarşı oynamayacaq

"İnter"in hücumçusu Lautaro Martinez DÇ-2026-nın seçmə mərhələsinin qarşıdakı matçlarında Argentina millisinə kömək edə bilməyəcək.

QOL.az xəbər verir ki, bu barədə insayder Fabrizio Romano məlumat yayıb.

27 yaşlı forvard əzələ narahatlığı yaşayır. Bu səbəbdən millinin məşqçilər heyəti futbolçunun sağlamlığını riskə atmamaq qərarına gəlib. Lautaro “İnter”ə qayıdacaq.

Bundan əvvəl Argentina millisi oxşar zədə səbəbindən "İnter Mayami"nin forvardı Lionel Messidən də məhrum qalıb. Həmçinin yığmanın digər üzvü Paulo Dibala da zədəli olduğu üçün komandaya qoşula bilməyib.

Qeyd edək ki, Martinez cari mövsüm 39 oyuna çıxıb, 18 qol vurub və 6 qolun ötürməsini verib.

Xatırladaq ki, Argentina 22 martda Uruqvayla, 26 martda isə Braziliya ilə qarşılaşacaq.