Qazaxıstan futbolunda böyük maliyyə pozuntusu
Qazaxıstan Futbol Federasiyasında (KFF) maliyyə qaydalarının pozulması aşkarlanıb.
525.az QOL.az a istinadən xəbər verir ki, bu barədə Qazaxıstan Respublikası Baş Prokurorluğu məlumat yayıb.
Qazaxıstan Futbol Federasiyası və bir neçə futbol klubu ilə bağlı prokurorluq yoxlaması nəticəsində 6 milyon dollar məbləğində ziyana səbəb olan vəsaitdən sui-istifadə halları aşkar edilib.
Əsas pozuntular işçilərə və idmançılara 600 min dollar məbləğində əsassız mükafatların təyini, Talqarda KFF obyektlərinin tikintisi zamanı tamamlanmamış işlərə görə ödənişlər, 2021-ci ildən Almatı vilayətində bazanın dondurulmuş tikintisi, əsassız sənədlərin hazırlanmasına 270 min dollar xərclənməsidir.
Ordabaşı, Aktobe və Jetısuda aparılan yoxlamalar zamanı şişirdilmiş müqavilə məbləğləri, oyunçu transferləri ilə bağlı saxtakarlıqlar, büdcə vəsaitlərinin oğurlanması aşkar edilib.
KFF-nin keçmiş rəhbərliyinə qarşı cinayət işi Maliyyə Monitorinqi Agentliyinə (AFM) verilib.
