|
|
|
|
Pakistan ordusu Hindistanın hücumu nəticəsində 40 mülki şəxsin həlak olduğunu bildirib
Pakistan ordusu Hindistanın ölkəsinə qarşı başlatdığı "Sindoor əməliyyatı"nda 15-i uşaq olmaqla 40 mülki vətəndaşın həyatını itirdiyini açıqlayıb.
525.az xarici KİV-ə əsasən xəbər verir ki, Pakistan Ordusunun İctimaiyyətlə Əlaqələr Departamenti (ISPR) Hindistanın həyata keçirdiyi "Sindoor əməliyyatı" ilə bağlı yenilənmiş məlumatlarla bağlı açıqlama verib.
Açıqlamada hücum nəticəsində 15-i uşaq, 7-si qadın olmaqla 40 mülki şəxsin həyatını itirdiyi, 121 mülki vətəndaşın isə yaralandığı bildirilib.
“Sindoor əməliyyatı” nəticəsində 11 ordu əməkdaşının öldürüldüyü, 78 nəfərin isə yaralandığı bildirilən açıqlamada, “Pakistanın suverenliyinə və ya ərazi bütövlüyünə meydan oxumağa yönələn hər cür cəhdə çevik, hərtərəfli və qətiyyətli cavab veriləcək” deyilib.
Malik Atilay
