Millimiz İngiltərəni məğlub edərək yarımfinala yüksəldi
Bu gün Bakıda təşkil olunan minifutbol üzrə dünya çempionatında 1/4 final mərhələsinin oyunları keçirilib.
525.az xəbər verir ki, turnirdə mübarizəni davam etdirən Azərbaycan millisi yarımfinal uğrunda görüşdə İngiltərə yığması ilə qarşılaşıb.
Milli Gimnastika Arenasında keçiriləcək qarşılaşma yığmamızın 2:1 hesablı qələbəsi ilə başa çatıb.
Bununla da millimiz turnirin yarımfinalına yüksəlib.
Qeyd edək ki, Azərbaycan millisi qrup mərhələsində Bəhreynlə heç-heçə edib (1:1), Sloveniya və Mavritaniyaya isə qalib gəlib (4:0, 2:0). Elşad Quliyevin komandası 1/8 finalda son dünya çempionu Rumıniyanı (1:1, pen.- 2:1) üstələyib.
29 may
Dünya çempionatı
1/4 final
17:30. Macarıstan - Mavritaniya - 1:0
19:00. Monteneqro - Çexiya - 1:0
20:30. İngiltərə - Azərbaycan - 1:2
22:00. Bosniya və Herseqovina - Serbiya
Qeyd edək ki, dünya çempionatına iyunun 1-də yekun vurulacaq.
