Fernandu Santuş istefaya göndərildi

Azərbaycan milli komandasının baş məşqçisi Fernandu Santuşla yollar ayrılıb. AFFA rəhbərliyi ilə portuqaliyalı mütəxəssis arasında müqaviləyə qarşılıqlı razılıqla xitam verilib.

525.az xəbər verir ki, bu barədə AFFA məlumat yayıb.

Millimizi DÇ-2026-nın seçmə mərhələsində Ukrayna yığması ilə oyuna U-21 komandamızın baş məşqçisi Ayxan Abbasov çıxaracaq.

Xatırladaq ki, F.Santuş bu vəzifəyə ötən ilin iyun ayının 12-də təyin olunmuşdu. Yığmamız son olaraq DÇ-2026-nın seçmə mərhələsinin ilk turunda İslandiyaya 0:5 hesabı ilə məğlub olub. 

Santuşun rəhbərliyi altında Azərbaycan millisi rəsmi və qeyri-rəsmi matçlar da daxil ümumən 11 oyun keçirib, onlardan 9-da uduzub, 2-də isə heç-heçə edib. Komanda bir oyunda belə qələbə qazana bilməyib.