|
|
|
|
“Hər il 100 müəllim ayda min manat, 50 məktəb isə ayda 10 min manatla mükafatlandırılır. Bu məsələ prezidentin sərəncamı ilə təyin olunur. 3 mərhələdən ibarət müsabiqə keçirilir və bunların hər birində özüm yaxından iştirak edirəm. Biz heç bir şikayətin şahidi olmamışıq. Mənə elə gəlir ki, seçim çox ədalətli aparılır. Onu da qeyd edim ki, bu seçimdə qalib olan məktəblərin hamısı Tələbə Qəbulu üzrə Dövlət Komissiyasının yaxşı məktəbləri siyahısına daxildirlər”.
525.az-ın məlumatına görə, bunu təhsil naziri Misir Mərdanov Tələbə Qəbulu üzrə Dövlət Komissiyasının sədri Məleykə Abbaszadənin səsləndirdiyi fikirlərdən sonra yaranan məsələyə yenidən münasibət bildirərkən deyib.
Təhsil naziri qeyd edib ki, unutmamaq lazımdır ki, 2008-ci ildən “İlin ən yaxşı məktəbi” və “İlin ən yaxşı müəllimi” Azərbaycan prezidentin sərəncamı ilə seçilir.
S.QARAYEVA