"Qarabağ" səddini keçə bilərik"

"Azərbaycanla məsafənin uzaqlığını nəzərə alsaq, "Qarabağ"la qarşılaşdığımız üçün sevindiyimizi söyləyə bilmərəm. Bununla belə, rəqibimiz səviyyəli komandadır".

Qol.Az-ın məlumatına görə, bu sözləri "Rudar"ın məşqçisi Vuko Boqavaç Monteneqro mətbuatına açıqlamasında deyib.

Baş məşqçi Mirko Mariçin köməkçisi olan Boqavaç "Qarabağ"ın cütün favoriti olduğunu bildirib: "İstənilən halda "Qarabağ" cütün favoritidir. Onlar ötən mövsüm Avropa Liqasının qrup mərhələsində nəyə qadir olduqlarını nümayiş etdiriblər.

Qarşıdakı 20 gündə "Qarabağ"la oyunlara yaxşı hazırlaşacağıq və onlara layiqli müqavimət göstərməyə çalışacağıq. Cavab qarşılaşmasını evdə keçirməyimiz bizim üçün kiçik üstünlük olacaq. Əgər sonadək oynasaq və bəxt də bizim tərəfimizdə olsa, "Qarabağ" səddini keçə bilərik".

Qeyd edək ki, "Rudar" və "Qarabağ" arasında ilk oyun iyulun 15-də Bakıda, cavab qarşılaşması isə bir həftə sonra Monteneqroda keçiriləcək