Safura Əlizadənin Bodrumda toyudur
Bu gün nikah masasına oturmağa hazırlaşan müğənni Safura Əlizadə toyundan yazıb.
Axşam.az-ın məlumatına görə, sənətçi bildirib ki, toyu bu gün Bodrumda baş tutacaq.
Müğənninin şad gününə ailəsi və yaxın dostları qatılacaq:
“Bu gün mən ailə qururam. Hal-hazırda ailəmlə və dostlarımla birlikdə Bodrumdayam. Sizi çox istəyirəm, canlarım mənim: Safura”..
Qeyd edək ki, toyla bağlı sənət dünyasının tanınmış simaları artıq bir neçə gün əvvəl Bodruma yollanıblar. Onlar arasında şoumen Murad Dadaşov, xalq artisti Zülfiyyə Xanbabayeva, prodüser Tolik və stilist Anar Ağakişiyev də yer alıb. Toya gedən qonaqlar Mübariz Mənsimovun “Palmalife Resort” otelində qalır.
Xatırladak ki, Safurə Əlizadə sənaye və energetika naziri Natiq Əliyevin oğlu Fərhad Əliyevlə ailə quracaq.
