|
|
|
|
Dələduzluqda ittiham olunan sabiq MTN polkovnikinin məhkəməsi başladı
Bakı Ağır Cinayətlər Məhkəməsində həbsdə olan MTN generalı Akif Çovdarovun işi üzrə zərərçəkən kimi tanınan Tofiq Rəcəbovun cinayət işi üzrə məhkəmə peosesi başlayıb.
APA-nın xəbərinə görə, hakim Novruz Kərimovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Qeyd olunub ki, T.Rəcəbov 1998-ci ildən 2002-ci ilə qədər ləğv edilmiş Milli Təhlükəsizlil Nazirliyinin əməkdaşı, polkovniki olub.
Еəqsirləndirilən şəxs ittiham aktını əldə etmədiyini söyləyib. Məhkəmə iclası iyulun 11-də davam edəcək.
Qeyd edək ki, T.Rəcəbov Bakı şəhər sakini Taleh Həsənova torpaq sahəsini sənədləşdirmə vədini verərək, 124 min manat pulunu ələ keçirməkdə ittiham olunur.
Onun barəsində Cinayət Məcəlləsinin 178.2.3-cü (külli miqdarda dələduzluq törətmək) maddəsi ilə ittiham elan edilib.
T.Rəcəbov qızıl biznesi ilə məşğul olub. İş adamı kimi tanınan T.Rəcəbov Milli Təhlükəsizlik Nazirliyinin (MTN) əməkdaşları tərəfindən saxlanılıb və hədə-qorxu və təzyiqlərə məruz qalıb. T.Rəcəbov MTN Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun cinayət işində zərərçəkmiş şəxs qismində tanınıb.
