“Mançester Yunayted” Moyesi rəsmən istefaya göndərdi
Bu gün “Mançester Yunayted” baş məşqçisi Devid Moyesi rəsmən istefaya göndərib. Qol.Az-ın xəbərinə görə, bu haqda klubun saytı məlumat yayıb.
“Mançester Yunayted" rəsmi şəkildə elan edir ki. Devid Moyes klubumuzu tərk edir. Klubumuz ona gördüyü işə, dəqiqlik və intizamına görə təşəkkürünü bildirir” – deyə məlumatda vurğulanıb.
Xatırladaq ki, Aleks Fergüsson məşqçi karyerasını başa vurduqdan sonra “MY”də onu əvəzləyən Moyes altı illik müqavilə imzalamasına baxmayaraq, komandada cəmi 11 ay çalışıb. Hazırda “MY” 34 turdan sonra İngiltərə Premyer Liqasında 7-ci yeri tutur. Komanda Çempionlar Liqasının 1/4 finalında isə mübarizəni dayandırıb.
Dünən Britaniya qəzetlərində Moyesin yaxın zamanlarda istefaya göndəriləcəyi haqda qeyri-rəsmi xəbərlər yayılmışdı.
“MY”nin yeni baş məşqçisinin kim olacağı hələ bilinmir. İngiltərə mətbuatı yazıb ki, bu vəzifəyə namizədlər siyahısında Yurgen Klopp, Loran Blan, Dieqo Simeone və Rayan Giggsin adı va
