“Xəzər Lənkəran”dan Mustafa Dənizli açıqlaması
“Xəzər Lənkəran”ın baş məşqçisi Mustafa Dənizli belindəki ağrıları müayinə etmək məqsədi ilə dünən İstanbul şəhərinə yola düşüb.
Bu haqda Qol.Az saytına klubun mətbuat xidmətinin rəhbəri Hüseyn Cəbrayıloğlu məlumat verib.
Onun sözlərinə görə, bu səbəbdən komandanı bugünkü məşqə onun köməkçisi Oğuz Çətin çıxarıb. H.Cəbrayıloğlu Mustafa Dənizlinin sabah Bakıya qayıdacağını söyləyib.
O, M.Dənizlinin İstanbula səfəri zamanı klubun sahibi Mübariz Mənsimovla görüşdüyünü istisna etməyib: “Mustafa Dənizli İstanbula dünən gedib, Mübariz Mənsimovla görüşməsi mümkündür”.
Qeyd edək ki, xəbər portallarında M.Dənizlinin bu görüşdə istefa verməsi, amma bunun qəbul olunmaması ilə bağlı məlumatlar yayılıb. “Xəzər Lənkəran”ın mətbuat xidmətinin rəhbəri isə M.Dənizlinin istefaya getmədiyini və sabahdan komandanın düşərgəsində olacağını bildirib.
