|
|
|
|
"Neftçi" dörd qol vurdu, məğlub oldu
Bu gün Avropa Liqasının pley-off mərhələsinin ilk oyunları keçirilib.
Qol.Az-ın məlumatına görə, turnirdə təmsilçilərimizdən olan “Neftçi”də bu gün meydana çıxıb.
Böyükağa Hacıyevin komandası səfərdə Serbiyanın “Partizan” klubu ilə qarşılaşıb. Bakı vaxtı ilə saat 23:15-də başlayan görüşdə qapılara 5 qol vurulub. Hesabda 2:0 önə keçən "Neftçi" sonradan üstünlüyünü əldən verərək meydanı məğlub tərk edib - 2:3.
Xatırladaq ki, "Neftçi" 2012/2013 mövsümündə Avropa Liqasının qrup mərhələsində "Partizan"la eyni qrupda mübarizə aparmışdı. Bu komandalar arasında Serbiyada baş tutan ilk görüşdə qapılara qol vurulmamışdı - 0:0. Bakıdakı cavab qarşılaşmasında da qalib müəyyənləşməmişdi. Hərəyə bir dəfə fərqlənən komandalar meydanı 1 xalla tərk etmişdi.
Qeyd edək ki, komandalar arasında cavab qarşılaşması bir həftə sonra Bakıda keçiriləcək.
21 avqust
Avropa Liqası, pley-off mərhələsinin ilk oyunları
23:15. “Partizan” (Serbiya) – “Neftçi” (Azərbaycan) - 3:2
Qollar: Denis Silva, 11 (0:1), 17 (0:2), Denis Silva, 29-avtoqol (1:2), Qrbiç, 32 (2:2), Elvin Yunuszadə, 69-avtoqol (3:2)
Hakimlər: Hüseyin Göçek, Mustafa Emre Eyisoy, Orkun Aktaş, Süleyman Abay (Türkiyə)
"Partizan": Lukaç, Vuliçeviç, Petroviç, Stankoviç (k), B. İliç, Brasanaç, Ninkoviç, Qrbiç, Drinçiç, Lazoviç, Şkuletiç
"Neftçi": Saşa Stamenkoviç, Denis Silva, Elvin Yunuszadə, Bruno Bertuççi, Araz Abdullayev, Flavinyo (k), Julius Vobay, Erik Ramos, Sesilyo Kaue, Mirhüseyn Seyidov, Ernest Nfor
