|
|
|
|
Almaniya hökuməti "TikTok" hesabı açıb
Almaniya hökuməti "TikTok" sosial şəbəkəsində hesab açıb.
525.az xarici mediaya istinadən xəbər verir ki, Federal Hökumət sözçüsü tərəfindən edilən yazılı açıqlamada, Mətbuat və İnformasiya İdarəsinin (BPA) TikTok platformasında açdıqları "@TeamBundeskanzler" hesabından, eləcə də digər sosial media kanallarından gündəlik hökumət işləri ilə bağlı paylaşımların ediləcəyi bildirilib.
Açıqlamada BPA-nın bu hesabla siyasətdən daha çox öyrənən və sosial media vasitəsilə məlumat mübadiləsi aparan vətəndaşlar üçün informasiya dairəsini genişləndirmək istədiyi vurğulanıb.
Xüsusilə gənc istifadəçilərə müraciət etmək üçün açılan "TikTok" hesabında Federal Kansler Olaf Şoltsun işi və hökumət siyasəti ilə bağlı məlumatlarla yanaşı şərhlər, suallar və təkliflər də yer alacağı qeyd edilib.
Bəyanatda həmçinin xatırladılıb ki, ABŞ Prezidenti Co Bayden, Fransa Prezidenti Emmanuel Makron və Avropa Parlamentinin sədri Roberta Metsola kimi şəxslər bu yaxınlarda öz "TikTok" kanallarını açıblar.
Almaniya kansleri Şolts "X" sosial media platformasında "TikTok" etiketi ilə verdiyi açıqlamada: "Mən rəqs etmirəm. Söz verirəm", - deyib.
Malik Atilay
