24 İyul 2026
17:19
Fransada 600 hektar yaşıllıq sahəsi yandı
Fransanın cənubundakı Var vilayətində baş verən yanğın nəticəsində 600 hektar yaşıllıq sahəsi yanıb.
525.az xəbər verir ki, Var yanğınsöndürmə briqadasının verdiyi açıqlamaya görə, yerli vaxtla saat 15:00 radələrində Vidauban qəsəbəsində yaşıl sahədə yanğın baş verib. Yanğına müdaxilə etmək üçün hadisə yerinə 430 yanğınsöndürən, 3 təyyarə, 2 helikopter və 137 texnika göndərilib.
Hələlik nəzarət altına alınmayan yanğın indiyədək 600 hektar yaşıllıq sahəsini məhv edib, can itkisi isə olmayıb.
Qeyd edək ki, Vidauban və Plan-de-la-Tur şəhərlərini birləşdirən yol nəqliyyat vasitələrinin hərəkəti üçün bağlanıb.
Məhəmməd Tağıyev
Bölmənin digər xəbərləri
