Avstraliya Ukraynaya 49 tank göndərəcək

Avstraliya Müdafiə Sənayesi Departamenti yeni hərbi yardım paketi çərçivəsində Ukraynaya 49 ədəd "M1A1 Abrams" tankının göndəriləcəyini açıqlayıb.

525.az xarici mediaya istinadən bildirir ki, Avstraliya Müdafiə Sənayesi Naziri Pat Conroy, təxminən 245 milyon Avstraliya dolları dəyərində hərbi yardım paketi çərçivəsində Ukraynaya 49 ədəd "M1A1 Abrams" tankının göndəriləcəyini bildirib.

Conroy: "Bu tanklar Ukraynaya daha çox atəş gücü və hərəkətlilik təmin edəcək. Avstraliya Ukraynanı dəstəkləməkdə qərarlıdır", - deyib.

Ukraynanın Kanberradakı səfiri Vasil Myroşnıçenko bu yardımı alqışladığını və bunu ölkəsində insanların həyatını xilas edəcək “vacib addım” kimi qiymətləndirdiyini bildirib.

Qeyd edək ki, Conroy yanvarın 18-də bildirib ki, Ukraynanın “MRH-90 Taipan” helikopterlərinə giriş tələbi Avstraliya tərəfindən rədd edilib.

Malik Atilay