|
|
|
|
NATO ölkələri ÜDM-in 2%-dən çoxunu müdafiəyə xərcləyəcək - Baş katib
NATO ölkələri ABŞ-ın yeni seçilmiş prezidenti Donald Trampın tələb etdiyi kimi, ÜDM-in 2%-dən çoxunu müdafiəyə xərcləyəcək.
525.az xəbər verir ki, bu barədə Avropa Siyasi Birliyinin Budapeştdə keçirilən iclasından əvvəl Alyansın baş katibi Mark Rutte deyib.
“Tamamilə dəqiqdir ki, gələcəkdə NATO ölkələri ÜDM-in 2%-dən çoxunu müdafiəyə xərcləyəcək. İndi biz müzakirə etməliyik ki, yeni hədəf indiki 2% kimi universal olacaq, yoxsa hər bir müttəfiq üçün güc məqsədləri təyin etməliyik, bu halda hər bir ölkə üçün faiz fərqli olacaq”, - Baş katib vurğulayıb.
O qeyd edib ki, ABŞ prezidenti Donald Tramp əvvəlki prezidentlik dövründə (2017-2021) NATO ölkələrinin müdafiəyə 2%-dən çox pul xərcləməli olduğunu deyərkən haqlı olub.
Bundan əvvəl, noyabrın 4-də Rutte Berlində Almaniya kansleri Olaf Şoltsla birgə mətbuat konfransında bildirmişdi ki, Kamala Harris və ya Donald Trampın qalib gəlməsindən asılı olmayaraq, NATO istənilən ABŞ prezidenti ilə işləyəcək.
Pərvanə Sultanova
