|
|
|
|
Azərbaycan kubokunda finalçılar müəyyənləşdi
Azərbaycan kubokunda finalçılar müəyyənləşib.
525.az xəbər verir ki, əvvəlcə yarımfinalın cavab matçında "Qarabağ" "Araz-Naxçıvan"ı qəbul edib. Səfərdə keçirilən ilk oyunda 0:1 hesabı ilə uduzan "Qarabağ" Tofiq Bəhramov adına Respublika Stadionundakı qarşılaşmada 3 cavabsız qolla qalib gəlib və finala yüksəlib.
Digər oyunda isə "Neftçi" "Sabah"ın qonağı olub. "Neftçi"nin meydanında keçirilən ilk oyunda 2:1 hesabı ilə qalib gələn "Sabah" bugünkü görüşdə qeydə alınan 1:1 hesablı heç-heçədən sonra finala yüksəlib.
Beləliklə, tarixində ilk dəfə Azərbaycan kubokunun finalına yüksələn "Sabah" həlledici görüşdə "Qarabağ"la qarşılaşacaq.
Qeyd edək ki, kubokun final oyunu mayın 31-də Mehdi Hüseynzadə adına Sumqayıt şəhər stadionunda keçiriləcək.
23 aprel (çərşənbə)
20:00. “Sabah” – “Neftçi” - 1:1
Qollar: Cesse Sekidika, 23 (1:0), Emin Mahmudov, 40 (1:1)
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev
VAR: Nicat İsmayıllı
AVAR: Tural Qurbanov
“Bank Respublika Arena”
İlk oyun - 2:1
17:00.“Qarabağ” – “Araz-Naxçıvan” - 3:0
Qollar: Yassin Benzia, 65, Nəriman Axundzadə, 70, Toral Bayramov, 77
Hakimlər: Rəvan Həmzəzadə, Cəmil Quliyev, Şirmamed Mamedov, Əliyar Ağayev
VAR: Kamal Umudlu
AVAR: Rauf Cabar
Tofiq Bəhramov adına Respublika Stadionu
İlk oyun - 0:1
