|
|
|
|
Gediş haqqı qalxsa, narazılıq olacaq - Akif Nəsirli
“Nəqliyyatda gediş haqları 30 qəpikdən 40 qəpiyə, 40 qəpikdən 50 qəpiyə qaldırıldı. Bildirildi ki, daşınma xərləri çoxdur. Ona görə də qiymət artımına gedilməlidir. İndi də deyilir ki, geduş haqqı 1 manata qaldırıla bilər. Fikrimcə, buna zərurət yoxdur. Çünki son 2 ildə benzin və digər yanacaq növlərinin qiyməti iki dəfə bahalaşmayıb. Belə olduğu təqdirdə qiymət artımına gedilə bilərdi”.
İqtisadçı ekspert Akif Nəsirli bunu 525.az-a söyləyib. O qeyd edib ki, əgər əgər nəqliyyatda gediş haqqı qaldırılacaqsa, o halda mütləq sosial müdafiəyə ehtiyacı olan təbəqə nəzərə alınmalıdır. Əks halda bu insanlarda böyük narazılıq yaradacaq:
“Əgər nəqliyyatda gediş haqqı bahalaşacaqsa, bu, əhalinin sosial baxımdan həssas təbəqəsinə çox ciddi təsir göstərəcək”.
Sevinc QARAYEVA
