|
|
|
|
ABŞ-nin Venesueladakı səfirliyi 7 ildən sonra fəaliyyətini bərpa etdi
ABŞ-nin Venesueladakı səfirliyi 7 illik fasilədən sonra fəaliyyətini bərpa edib.
525.az xarici KİV-ə istinadən xəbər verir ki, bu barədə ABŞ-nin Karakasdakı səfirliyinin yaydığı açıqlamada bildirib.
“Biz Karakasdakı səfirliyimizdə rəsmi olaraq fəaliyyətimizi bərpa etdik və bu, Venesueladakı diplomatik mövcudluğumuzda yeni bir dövrü əhatə edəcək”, - deyə açıqlamada qeyd olunub.
Həmçinin vurğulanıb ki, bu addım Venesuelada keçid hökuməti, vətəndaş cəmiyyəti və özəl sektorla birbaşa dialoq aparmaq potensialını gücləndirəcək.
Səfirliyin yenidən açılması ABŞ administrasiyasının Venesuela üçün üç mərhələli planında mühüm mərhələ hesab olunur.
Baruta rayonunda yerləşən Karakasdakı ABŞ səfirliyi, iki ölkə arasında diplomatik münasibətlərin 2019-cu ildə dayandırılmasından sonra bağlanmışdır. Daha əvvəl ABŞ Dövlət Departamenti səfirliyin yenidən açılması ehtimalını qiymətləndirmək üçün nümayəndə heyətinin Karakas şəhərinə səfər etdiyini açıqlamışdı.
İbrahim Cəfərov
