"Krasnodar" - "Qəbələ" matçından çox qol gözləmirəm"

"Avropa Liqasının qrup mərhələsində "Krasnodar"ı "Qəbələ" ilə çətin oyun gözləyir. "Krasnodar"ın baş məşqçisi Oleq Kononov "Qəbələ"nin müdafiəsini yarmaq üçün çox çalışmalı olacaq. Azərbaycan çempionatında çıxış edən "Qarabağ" klubunun oyun üslubu "Krasnodar"a bənzəyir".

Qol.Az-ın məlumatına görə, bu sözləri "Qəbələ"nin sabiq baş məşqçisi Yuri Syomin Rusiya mətbuatına açıqlamasında deyib.

Syomin axşamkı görüşdən çox qol gözləmədiyini bildirib: "Bugünkü görüşdən çox qol gözləmirəm. Gərgin və bərabər səviyyəli oyun olacaq. "Krasnodar" üçün əsas məsələ rəqibi düzgün qiymətləndirməkdir. "Qəbələ" çox sabit layihədir. Bu, komandanın oyunu, futbolçular və klub rəhbərliyindən ibarətdir. Klubun sahibləri komandanı savadlı və uğurlu bir şəkildə inkişaf etdirirlər".

Qeyd edək ki, 2013/2014 mövsümündə "Qəbələ"ni çalışdıran Syomin Azərbaycan Premyer Liqasının bürünc medallarına yiyələnib.