Ermənistan Avropa Birliyi ilə birtərəfli qaydada viza rejimini ləğv edir.
APA-nın “Arminfo”ya istinadən verdiyi xəbərə görə, Avropa Birliyinin üzv dövlətlərinin vətəndaşları 2013-cü ilin yanvarın 10-dan etibarən il ərzində 90 günədək vizasız Ermənistan ərazisində qala bilərlər.
Bu qayda həmçinin İsveçrə kimi Avropa Birliyinə üzvü olmayan, lakin Şengen zonasına daxil olan ölkələrə də şamil olunur.
Qeyd edək ki, Ermənistandan başqa Avropa Birliyi ilə viza rejimini birtərəfli qaydada Ukrayna, Gürcüstan və Moldova da ləğv edib.