ABŞ siyasətində qütbləşmə artır

ABŞ-da kritik aralıq seçkiləri öncəsi ton sərtdir və siyasi qütbləşmə heç vaxt olmadığı qədər ifratdır.

525.az xəbər verir ki, ABŞ-da kritik aralıq seçkiləri öncəsi siyasi atmosfer sərt ritorika ilə qızışır. ABŞ-da kimə qulaq asırsınızsa, keçmişdəki rəqiblər arasında qarşılıqlı hörmət və barışıqdan danışır. Təqaüdçü konqresmen Edvard Uitfild: "1994-cü ildə mən konqresmen seçiləndə Demokrat Klinton prezident idi. Büdcə ilə bağlı fikir ayrılığımız var idi. Respublikaçılar Konqresdə çoxluğu qazandılar. Lakin Klinton praqmatik prezident idi və respublikaçılarla razılaşdı, problem həll olundu", - deyib. 

"Reelclear Politics"in Ağ Ev müxbiri Con Kristofer Bua: "Con Kennedi və Riçard Nikson iki fərqli partiyanın senatoru  və ümumi üsluba malik idilər. Nə qəbilə mədəniyyəti, nə iradə, nə də bədxahlıq var idi. Klintonun həmişə dediyi kimi; Siyasi baxımdan bir insanla razılaşmaya bilərsiniz, amma ona nifrət etmək lazım deyil", - ifadələrini işlədib. 

ABŞ-da bu mühit qütbləşmə və sərt tonla əvəz olunub. 

Liderlərin və medianın olmaması Tramp və Bayden dövründə pik həddə çatan qütbləşmənin iki əsas səbəbi kimi göstərilir. Uitfild: "Birləşmiş Ştatlar siyasi cəhətdən çox bölünmüşdür. Şübhəsiz ki, Tramp bölücü fiqurdur. Mübahisəli mövzulara girməkdən çəkinmir və fikrini söyləyir. Müxtəlif siyasi baxışlarda cəmiyyətdə parçalanmanın ən böyük səbəblərindən biri ölkədə siyasi liderliyin olmamasıdır. Bayden 30 yaşından bəri siyasətdədir, lakin güclü lider kimi görünmür. Bundan əlavə, medianın münasibəti də buna kömək edir", - deyib.

Bir çox insan əsas medianın kütləvi, birtərəfli yayımlarının və yazılarının parçalanmanı qızışdırdığı fikri ilə razılaşır. Sorğulara baxan demokratlar bəzi respublikaçıları Demokratiya üçün təhlükə olaraq görürlər. Bu atmosferdə ABŞ özünün ən kritik aralıq seçkilərindən birinə doğru addım-addım irəliləyir.

Məhəmməd Tağıyev