|
|
|
|
"Çamadanlarımız hazır vəziyyətdə olduqda oynamaq çətindir"
Bosniya və Hersoqovina millisinin kapitanı Emir Spahiç "DÇ-2014"də İranla oyunöncəsi ölkəsinin futbol federasiyasının rəsmi saytına danışıb.
Qol.Az-ın məlumatına görə, evə qayıtmaları üçün artıq çamadanlarının hazır vəziyyətə gətirildiyini deyən Spahiç növbəti matçda oynamağın çətin olacağını bildirib:
"Əlbəttə, biz daha çox irəliləmək istəyərdik. Məncə, bunu bacara bilərdik. Ancaq futbol da bir həyatdır. Bizi qarşıda daha bir oyun gözləyir. Evə qayıtmaq üçün artıq çamadanlarımız hazır vəziyyətə gətirilib. Belə olan halda oynamaq çətindir. Ancaq bizi turist hesab etməmələri üçün əlimizdən gələni edəcəyik və qələbəyə oynayacağıq".
Qeyd edək ki, qrupda keçirdiyi hər iki oyunda məğlub olan Bosniya və Hersoqovina yığması 1/8 finala yüksəlmək şansını itirib.
