Əlcəzair 1/8 finalda, Rusiya qrupda qaldı
Bu gün DÇ-2014-ün qrup mərhələsinə yekun vurulub.
Qol.Az-ın məlumatına görə, keçiriləcək dörd oyunla 1/8 finalın bütün iştirakçıları məlum olub.
G qrupunda Portuqaliya ilə Qana millisi qarşılaşıb. Görüş Paulo Bentunun komandasının 2:1 hesablı qələbəsi ilə başa çatıb. Ancaq bu qələbə Portuqaliyanın qrupdan çıxmasına kifayət etməyib. ABŞ Almaniyaya 0:1 hesabı ilə məğlub olmasına baxmayaraq, top nisbətinə görə 1/8 finala yüksəlib.
G qrupunun lider Almaniyanın 1/8 finaldakı rəqibi H qrupunun ikincisi olacaq. ABŞ isə həmin qrupun birincisi ilə qarşılaşacaq.
H qrupunda Əlcəzair Rusiya ilə, Cənubi Koreya isə Belçika ilə qarşılaşıb. Belçika buna qədər 1/8 finala vəsiqəni təmin etmişdi. Cənubi Koreya isə Belçikaya 0:1 hesabı ilə uduzmaqla mübarizəni dayandırıb. Bu qrupda əsas maraq Əlcəzair – Rusiya matçına idi. Aktivində dörd xalı olan Afrika təmsilçisini 1/8 finala yüksəlmək üçün heç-heçə qane edirdisə, ruslar mütləq qələbə qazanmalı idilər. Lakin bu matçda heç-heçə oynayan Əlcəzair yığması 1/8 finala yüksəlib.
