|
|
|
|
"Real" Alonsonu göndərəcəkmi?
Ötən gecə İspaniya Superkubokunun finalında "Barselona"ya uduzan "Real" baş məşqçisi Xabi Alonsonun gələcəyi ilə bağlı fikrini dəyişməyib.
525.az xəbər verir ki, bu barədə AS məlumat yayıb. Madrid təmsilçisi məğlubiyyətə baxmayaraq, mütəxəssisi istefaya göndərməyi planlaşdırmır.
"Real" hesab edir ki, İspaniya Superkubokunun finalında "Barselona"ya 2:3 hesabı ilə uduzsa da, komandanın nəticələri və oyun keyfiyyəti tədricən yaxşılaşır.
Klub Alonso ilə birlikdə komandanın daha da inkişafı üzərində işləmək niyyətindədir. Yaxın gələcəkdə əsas diqqət oyunçuların fiziki hazırlığına və heyətin sabitliyinə təsir edən zədələrin sayının azaldılmasına yönəldiləcək. "Real" əmindir ki, bu sahələr komandanın nəticələrini sabitləşdirmək və mövsümün ikinci hissəsində irəliləyiş əldə etmək üçün əsasdır.
Qeyd edək ki, Xabi Alonsonun "kral klubu" ilə müqaviləsi 2028-ci ilin yayına qədərdir.
