|
|
|
|
"DÇ-2026 tarixin ən yaxşı mundialıdır" - İnfantino
FİFA prezidenti Canni İnfantino iyulun 19-da keçiriləcək 2026-cı il dünya çempionatını final matçından dannışıb.
525.az xəbər verir ki, o, cari turniri tarixin ən yaxşı mundialı adlandırıb. İnfantino final qarşılaşmasını 3 milyard insanın izləyəcəyini bildirib:
"Final atəşfəşanlığa bənzəyəcək. Dünya bir anlıq dayanacaq və 3 milyard insan bu dünya çempionatının necə yekunlaşacağını izləyəcək. Keçmişi və bu günü nəzərə alsaq, bu, tarixin ən yaxşı dünya çempionatıdı".
İnfantinonun sözlərinə görə, turnirdə ən güclü komandalar, ən yaxşı futbolçular və möhtəşəm azarkeş atmosferi bir araya gəlib. O bildirib ki, mundial gözlədiyindən də uğurlu keçib və təşkilatçılar heç bir ciddi neqativ hadisə ilə üzləşməyiblər.
FİFA prezidenti həmçinin turnirin futbol tarixində xüsusi yer tutduğunu bildirib. Onun fikrincə, bu mundialda həm ənənəvi futbol nəhəngləri, həm də yeni komandalar diqqət çəkməyi bacarıb. Azarkeşlər isə unudulmaz futbol hekayələrinin şahidi olublar.
Qeyd edək ki, DÇ-2026-nın finalında iyulun 19-da Argentina və İspaniya milliləri üz-üzə gələcək.
