|
|
|
|
"Atletik"in baş məşqçisi: "İnter"ə hörmətlə yanaşırıq"
İspaniyanın "Atletik" klubunun baş məşqçisi Ernesto Valverde Avropa Liqasının III təsnifat mərhələsinin püşkünü dəyərləndirib.
Qol.Az-ın İspaniya mətbuatına istinadən yaydığı xəbərə görə, "İnter" (Azərbaycan) - "Hafnarfyordur" (İslandiya) matçının qalibi ilə qarşılaşacaq Bilbao klubunun çalışdırıcısı deyib ki, hər iki komandaya hörmətlə yanaşırlar:
"Hər iki ölkəyə uzun yol qət edəcəyik. Bu komandalar rəsmi yarışda mübarizə aparırlar. Buna görə də onlara hörmətlə yanaşırıq. Biz mövsümöncəsi yoldaşlıq görüşləri keçirsək də, onlar rəsmi yarışda mübarizə aparırlar".
Valverde "İnter" - "Hafnarfyordur" cavab görüşünü izləyəcəklərini bildirib:
"Rəqib müəyyənləşdikdən sonra isə əvvəlki qarşılaşmalara da baxacağıq, rəqib haqda məlumatlar toplayacağıq".
Qeyd edək ki, "İnter" - "Hafnaryordur" matçı iyulun 23-ü saat 21:00-da başlayacaq. Bu cütün qalibi iyulun 30-u və avqustun 6-ı "Atletik"lə qarşılaşacaq.
