Çempionlar Liqasında ən çox kim qazanıb?
992-ci ildən UEFA-nın bayrağı altında keçirilən Çempionlar Liqasından ən çox gəlir əldə edən komandaların adları bəlli olub.
Qol.Az-ın məlumatına görə, siyahıya turnir Çempionlar Liqası adlanandan bəri iki çempionluq yaşayan İngiltərənin "Mançester Yunayted" klubu başçılıq edir.
Mançester təmsilçisi geridə qalan 20 il müddətində Çempionlar Liqasından 470 milyon 637 min 598 avro gəlir götürüb. Turnirin son qalibi "Bavariya" siyahıda ikinci, "Barselona" isə üçüncü olub.
Qeyd edək ki, 1992-ci ildən bəri təşkil olunan Çempionlar Liqasında "Mançester Yunayted" klubu 1998/1999 və 2007/2008 mövsümündə çempionluq sevinci yaşayıb.
1. "Mançester Yunayted" (İngiltərə) - 470 milyon 637 min 598 avro
2. "Bavariya" (Almaniya) - 442 milyon 671 min 817 avro
3. "Barselona" (İspaniya) - 403 milyon 514 min 973 avro
4. "Real" (Madrid, İspaniya) - 402 milyon 887 min 4 avro
5. "Çelsi" (İngiltərə) - 367 620 min 547 avro
6. "Milan" (İtaliya) - 360 milyon 344 min avro
7. "Arsenal" (İngiltərə) - 357 milyon 993 min 598 avro
8. "Yuventus" (İtaliya) - 275 milyon 190 min 910 avro
9. "İnter" (İtaliya) - 275 milyon 150 min 516 avro
10. "Lion" (Fransa) - 267 milyon 622 min 629 avro
