Türkiyə Futbol Federasiyası (TFF) Superliqanın V turu çərçivəsində keçirilmiş "Beşiktaş" - "Qalatasaray" oyunu ilə bağlı qərarını açıqlayıb.
Qol.Az-ın məlumatına görə, TFF İntizam Komitəsi meydan sahibləri olan "Beşiktaş"a 4 oyunluq azarkeşsiz oynama cəzası verib.
"Qara qartal"ın baş məşqçisi Slaven Biliç isə hakimlərə etiraz etdiyi üçün 3 oyunluq cəzalandırılıb. Derbinin son dəqiqələrində qırmızı vərəqə ilə cəzalandırılan "Qalatasaray"ın braziliyalı yarımmüdafiəçisi Felipe Melo iki oyun komandasına kömək edə bilməyəcək.
Qeyd edək ki, "Beşiktaş" - "Qalatasaray" matçı hesab 1:2 olarkən meydan sahiblərinin azarkeşlərinin stadiona daxil olması səbəbindən sona 2 dəqiqə qalmış hakim oyunu təxirə salmışdı. Bu matçın nəticəsi ilə bağlı hələlik qərar verilməyib.