"Xarici klublarda azərbaycanlı futbolçulara ehtiyac yoxdur"

"Bizim futbolçular üçün Azərbaycandan kənara çıxmaq çox çətindir. Çünki böyük məbləğdə pulu elə burada da qazanırlar. Nadir hallarda kimsə sırf karyera üçün xaricə üz turur".

525.az saytına açıqlamasında bu sözləri milli komandamızın sabiq baş məşqçisi Şahin Diniyev deyib.

Vaqif Cavadovun "İnter"dən ayrılaraq Türkiyənin I liqa təmsilçisi "Qaziantep  Böyükşehir Belediyespor" klubuna keçməsinə münasibət bildirən təcrübəli mütəxəssis futbolçularımızın xarici klubların yüksək liqalarında oynamağa hazır olmadığını bildirib: "Azərbaycan futbolu aşağı səviyyədə olduğu üçün digər ölkələrdə tanınmır. Bunun üçün reklam xarakterli işlər görülməlidir ki, futbolçumuzun biri xarici kluba gedəndə digərlərini də özü ilə apara bilsin. Ancaq təəssüf ki, bu gün futbolçularımıza yüksək liqada yarışan xarici klublarda ehtiyac yoxdur. Eləcə də Türkiyə superliqasında. Buna görə də Vaqif Cavadov Türkiyənin aşağı liqa təmsilçisnində oynamağa məcbur olub".